Marokoko Poliziak 14 urteko gazte bat hil zuen atzo iluntzean, tiroz, Fronte Polisarioak jakinarazi duenez. El Aaiunetik gertu gertatu zen hilketa Nayem Elgarhi auto baten barruan zegoela. Saharako iturriek jakinarazi dutenez, beste 14 pertsonekin zegoen gaztea auto barruan, poliziek tiro egin zietenean. Marokoko Gobernuak ez du oraindik ezer baieztatu.
Urriaren 10az geroztik, El Aaiun kanpoaldean sortutako kanpaleku batean biltzen ari dira sahararrak bizi diren baldintza sozial eta ekonomiengatik protesta egiteko. Milaka eta milaka dira jada han bildutakoak, eta Marokoko Gobernuak poliziekin inguratu ditu eta ez du inor sartzen uzten. Hildako gaztea eta auto barruan zihoazen beste 14 pertsonak sartzeko zain zeuden, kanpalekutik bi kilometrora.
MENDEBALDEKO SAHARA
Marokoko poliziek 14 urteko gazte saharar bat hil dute tiroz
El Aaiun kanpoaldean milaka eta milaka saharar bildu dira bizi diren baldintzen aurka protesta egiteko; hil duten gaztea horiekin elkartzeko zain zegoen.
Iruzkinak
Ez dago iruzkinik
Ordenatu
