Aurreikuspenak bete dira, eta Artur Mas izango da PDC Partit Democrata Catalako lehendakari berria, eta Neus Munte izango da presidenteordea. Beste hautagaitzarik ez zegoen alderdiaren presidentziarako, eta %95,07ren babesa lortu du tandemak.
Marta Pascal buru zuen zerrendak ere erraz irabazi du alderdiko zuzendaritzarako bozketa; %87,7ren babesa lortu du.
Kontseilu nazionalerako bozketa, berriz, errepikatu egin beharko dute. Merce Conesak Santi Vilak baino boto gehiago lortu ditu —%49,44ren babesa aurrenak eta %42,04rena bigarrenak—, baina alderdikideen erdiaren babesa ez duenez lortu, bigarren buelta egingo dute, bi hautagaietako bat erretiratzen ez bada. Bozketak ez du datarik, oraingoz.
