François Anick Joseph Haitiko Barne ministroak gaur eman ditu datuak: gutxienez 130 lagun hil ditu Matthew urakanak, eta txikizio handia egin du: 20.000 etxe oso kaltetuta gelditu dira. Gainera, komunikazio bideak ez direnez oso onak, eta ez daukate herrialdeko toki batzuetako informaziorik. Gobernuak babes eta elkartasuna azaldu die kaltetuei.
Kubatik ere pasatu da Matthew, 4ko indarrarekin. Ez da hildakorik izan, baina txikizioa handia izan da han ere. Nazio Batuen Erakundeak laguntza eskaini dio.
Floridan larrialdi egoera ezarri du bertan Barack Obama AEBetako presidenteak. Floridan, Hego Carolinan eta Georgian beren etxeetatik alde egiteko agindua dute bi milioi lagunek.
