McGovern hil da AEBetan, Nixonen aurkari izandakoa

WASHINGTON. George McGovern AEBetako senatari ohia hil da, 90 urte zituela. Demokratek inoizko porrotik handiena izan zuten Richard Nixonen aurka lehiatu zenean, 1972. urteko bozetan. Haren aldarrikapen nagusia Vietnamgo gerra amaitu behar zela izan zen, moralgabea iruditzen zitzaiolako. Hego Dakotan 24 urte egin zituen demokraten aldean legebiltzarkide. Demokraten alderik ezkertiarrena ordezkatzen zuen McGovernek.