Martin McGuinness Sinn Fein alderdiko agintari eta IRAko buruzagi ohiaren iloba bat —Ruairi Canning— eta honen lagun bat zauritu egin dituzte Derryn (Ipar Irlanda), hanketara tiroak botata, Ipar Irlandako Poliziak esan duenez. Erietxera eraman dituzte biak, eta euren osasun egoera "egonkorra" da.
Poliziak uste du IRAko disidenteak egon daitezkeela tiroketaren atzean. Martina Anderson Sinn Feineko parlamentarioak esan du "erasoak haserrea" eragin duela Derryko komunitatean, eta gehienak bake prozesuaren alde daudela.
Ruairi Canningen aita Marvini IRAko disidenteen ekintzetan parte hartu izana leporatu izan diote.
Azkeneko bi urteetan Benetako IRAk antzeko 30en bat eraso egin ditu Derryn eta inguruetan.
