Eusko Legebiltzarrak Europako Batasunari eskatu dio Mendebaldeko Saharako urak Marokorekin duen arrantza akordiotik kanpo utz ditzan, eta Marokorekin negoziatzen duenean, "Marokok saharraren giza eskubideak errespetatzeko" eskatu diezaion. UPDk egindako proposamena onartu du legebiltzarrak.
Gorka Maneiro UPDko legebiltzarkideak gogorarazi du hilaren amaieran bukatzen dela Marokok eta EBk duten akordioa; beraz, berriro negoziatu beharko dute.
Horrez gain, Eusko Legebiltzarrak dei egin die Espainiako Gobernuari eta EBko erakundeei "Mendebaldeko Saharako deskolonizazio prozesuari soluzio zuzen, iraunkor eta nazioarteko legealdiarekin bat datorren irtenbidea" eman diezaion.
