Ramon Tremosa (CiU), Maria Badia (PSC), Ana Miranda (ERC) eta Raul Romeva (ICV) katalan europarlamentarioek Europako Batasunari eskatu diote Espainiari ken diezaiola EBn botoa emateko eskubidea, baldin eta espainiar militarrek Kataluniarekiko "mehatxuak" egiten jarraitzen badute. Gutuna helarazi diote Viviane Reding Europako Batzordeko presidenteordeari.
Europarlamentario haiek diote Lisboako Ituneko 7. artikuluaren arabera balegokeela horretarako aukera.
Kataluniako Legebiltzarrak duela aste batzuk Generalitateari eskatu zion datorren legealdian autodeterminazio galdeketa burutu dezala. Espainiako armadako hainbat kide horren aurka azaldu dira, eta batzuek indarra erabili beharko litzatekeela ere esan dute.
