Moralesek Mexikotik Kubara bidaiatu du, «osasun arrazoiak» direla eta

MEXIKO HIRIA. Evo Morales Boliviako presidente ohi erbesteratuak Mexikotik Kubara bidaiatu zuen atzo, «osasun arrazoiak» direla medio. Mexikoko Atzerri Gaietarako Idazkaritzak jakinarazi duenez, bidaia «aldi baterakoa» da. Mexikoko Gobernuak ez du xehetasun gehiago eman. Gabriela Montaño Boliviako Osasun ministro ohiak azaldu du lehenago ere Bolivian artatu zuen mediku talde kubatar berarekin kontsulta egitera joan dela irlara.