Moussaui 2001eko irailaren 11ko atentatuak baino lehen atxilotu zuten; zehazki, urte horretako abuztuaren 16an, Minnesotan. Beraz, erasoekin ez zuen zuzeneko harremanik izan. Lapurtarrak, ordea, Al Kaedako kide zela aitortu zuen 2005ean, eta Irailaren 11koen antzeko erasoak egiteko entrenatzen ari zela hegazkin eskoletan.
Aitorpen horretatik abiatuta, Irailaren 11koaren berri lehendik izatea leporatzen diote, eta FBIri gezurra esan eta informazio hori ezkutatu izana. Moussaouik hori guztia aitortu izan balu, erasoak galaraz zitezkeela argudiatzen dute, eta ez zitekeela inor hilko. Azken batean, gezurra esatearen ondorioz atentatuen eta heriotzen arduradun izatea leporatzen diote lapurtarrari, eta, beraz, heriotza zigorra eska dezakete haren aurka.
Moussauoiren amak behin eta berriz salatu izan du semea guztiz bakartuta daukatela atxilotu zutenetik, eta horren ondorioz, nahastuta dabilela. Al Kaedako dela aitortu izana nahasmen horri egozten dio amak.
Irailaren 11ko atentatuak
Moussauoi lapurtarra heriotzera zigor dezaten lehen urratsa eman du epaimahaiak
Donibane Lohizuneko (Lapurdi) Zacarias Moussaoui da 2001eko Irailaren 11ko atentatuengatik AEBetan auzipetutako pertsona bakarra. Haren aurkako epaiketa aurrera doa, eta urrats erabakigarria eman zuen atzo (bart gaua Euskal Herrian) epaimahaiak: frogatutzat eman du Moussaouik gezurra esan ziola FBIri, eta gezur horien ondorioz egin zirela Irailaren 11ko atentatuak. Hori dela eta, atentatu horiek eragindako heriotzak leporatzen dizkiote zeharka, eta heriotzera zigor dezakete.
Iruzkinak
Ez dago iruzkinik
Ordenatu
