Iazko azaroan epaitegiek ebatzi zuten ez zegoela loturarik Hosni Mubarak Egiptoko presidente ohiaren jardunaren eta 2011ko iraultzako manifestarien heriotzaren artean. Manifestariak hiltzeko agindua eman izana egotzita zegoen absolbituta Mubarak, baina azkenean absolbitu egin zuten. Orain, ordea, epai horiek atzera bota ditu Egiptoko Kasazio Auzitegiak eta epaiketa berriz egiteko agindu du.
Azaroaren 5erako jarri dute epaiketaren hasiera data. Mubarakekin batera epaituko dituzte, besteak beste, Mubaraken bi seme, Habib al Adli barne ministro ohia, eta presidente ohiaren beste sei laguntzaile.
Manifestarien kontra egiteaz gain, beste bi akusazio ere badaude Mubaraken aurka; batetik, boterearen gehiegizko erabilera, eta bestea, ustelkeria.
