2010eko abenduaren 7a
00:00
KAIRO. Hosni Mubaraken NDP Alderdi Nazional Demokratikoak 424 eserleku eskuratu ditu bozetan -Legebiltzarrak 508 diputatu ditu-. Hauteskunde Batzordeak atzo eman zituen ezagutzera heldu den igandean egin ziren bozen bigarren itzuliko emaitzak; hautagai independenteek 66 eserleku eskuratu dituzte, eta oposizioak, hamalau. Oposizioko bi alderdi nagusiek, baina, parte hartzeari uko egin zioten, iruzurragatik.
Hego Koreak maniobrak egiteari ekin dio berriro
SEUL. Ipar Korearen ohartarazpenei muzin egin eta hirugarren aldiz hiru asteko epean maniobra militarrak egiteari ekin dio Hego Koreak. Bost egun iraungo dute maniobrek, eta hiru itsasertzetako 29 tokitan egingo dituzte, tartean Itsaso Horian. Yeonpyeong uhartean, baina, ez dute maniobrarik egingo, iragan azaroaren 23an eraso egin baitzioten.
