Paul McCartney, Madonna, Sting, Red Hot Chili Peppers... Asko dira azken hilabeteetan Pussy Rioteko kideei elkartasuna adierazi dieten artistak. Atzo ere, mundu osoan protesta ugari egin zituzten Errusiako musikarien aurkako epaiketa salatzeko. Sinbolikoena, Bulgariako Sofia hiriburuan egin zutena: armada sobietarraren monumentu bateko soldaduei aurpegiak estali zizkieten hainbat ekintzailek.
Europako beste hainbat hiritan ere egin zituzten epaiketaren aurkako protestak. Besteak beste, Kieven, Oslon eta Berlinen Errusiako enbaxadaren aurrean elkartu ziren hainbat pertsona. Berlinen, enbaxadako hesietara lotu ziren hainbat ekintzaile, eta atxilotu egin zituzten. Bartzelonan, Londresen, Parisen, Vienan eta Pragan ere elkarretaratzeak egin zituzten.
Munduko hiri askotan adierazi diete elkartasuna Pussy Rioteko musikariei
Iruzkinak
Ez dago iruzkinik
Ordenatu
