Omniumeko presidentea izan zen Casals, eta lan eskerga egin zuen prozesu subiranistari bultzada emateko gizarte zibilaren eskutik. Gaur egun, Junts pel Síko diputatua zen.
Urtarrilaren 31n txirrindulari batek harrapatu zuen, eta orduaz geroztik Bartzelonako Hospital Clínic-en egon da ingresatuta, gaur goizaldean hil den arte. Hileta intimoa egingo dute familiako eta gertuko lagunek, eta Junts pel Sik agur ekitaldia antolatuko diola jakinarazi du.
Lamentem profundament haver d'informar del decés de la companya, amiga i diputada Muriel Casals i Couturier https://t.co/Fk7fPrrMih
— Junts pel Sí (@JuntsPelSi) February 14, 2016
Omnium Cultural plataformako erreferentea izan zen Muriel Casals. 2010ean Espainiako Auzitegi Konstituzionalak Kataluniako Estatutua baliogabetu baino apur bat lehenago izendatu zuten Omniumeko presidente, eta handik aurrerako mobilizazio eta protestetan egin zen ezagun bere aurpegia, ANC Carme Forcadellekin batera egindako ibilbidean.
