Muturreko islamiarren eta soldadu pakistandarren arteko borroketan 39 lagun hil dira dagoeneko

Muturreko islamiarren eta soldadu pakistandarren arteko borroketan 39 hil dira dagoeneko. Afganistango mugan hasi ziren atzo bi aldeen arteko enfrentamenduak. Shaukat Sultan Pakistango armadaren bozeramaileak adierazi duenez, Al Kaeda ekintzaileak eta gerrilari talibanak atxilotzeko operazio bati ekin zion atzo Pakistango armadak. Azken zenbaketaren arabera, dagoeneko 19 soldadu pakistandar eta 20 ekintzaile islamiar hil dira enfrentamenduetan. Shaukat Sultanek jakitera eman duenez, hildakoen artean ekintzaile arabiar eta txetxeniarrak daude.