NATOk gaur jakinarazi du bere soldaduak Kosovotik pixkanaka irteten hasiko direla, "baldintza politikoak eta militarrak horretarako egokiak direlako", Jaap de Hoop Scheffer idazkari nagusiak esan duenez.
Erakundeko Defentsa ministroek gaurko batzarrean "erretiro gradualaren" plana hitzartu dute. Hala, soldaduen heren batek 2010eko urtarrilerako utziko du Kosovo -lau mila militar inguruk-, eta bi urteren buruan denera 2.200 soldadu geratuko dira han, "behar den arte".
Orain dela hamar urte, Balkanetako gerra zela-eta Kosovoko egoera "ezegonkorra" zelako, aliantzako 50.000 soldadu joan ziren. Harrezkero, NATOren arabera, "segurtasuna beti joan da hobetzen".
Kosovo independente aldarrikatu zen 2008ko otsailaren 17an, gehiengoak hala iritzita. Bertako serbiarrak aurka agertu ziren.
Mundua
NATO Kosovotik irteten hasiko da
Erretirorako "baldintza politikoak eta militarrak egokiak" direnez, soldaduen heren batek 2010eko urtarrilerako utziko du herrialdea.
Iruzkinak
Ez dago iruzkinik
Ordenatu
