NATOko enbaxadore batek dio Errusiak indarra erabil dezakeela Kosovoren independentzia dela-eta

Dimitri Rogozin NATOk Errusian duen enbaxadoreak adierazi duenez, Kosovoko independentzia aldarrikapena "ikuspuntuen gatazka" bihurtu da, horrek nazioarteko segurtasuna arriskuan jar dezake, eta hori errespetatzeko Errusiak "indar basatia" erabil dezakeela ohartarazi du. Hala ere, ez du zehaztu zein neurri hartuko dituzten.

"Europako Batasunak (EB) Kosovori buruz indar bateratua adosten badu edo NATOk herrialdean duen agintetik haratago badoa, EB eta NATO eta Nazio Batuen Erakundearen artean gatazka sortzeko arriskua dago", adierazi du Rogozinek.

Kosovoren independentzia aldarrikapenak “munduko hainbat tokitan gatazkak” sortuko dituela ohartarazi du hark, nazioarteko segurtasuna “arriskuan” jarriz. Eta hori“lehenengo pausoa” dela soilik adierazi du, “erradikalak ez baitira horrekin bakarrik konformatuko”.