NATOren bonbardaketak bi ume hil ditu Afganistanen

KABUL. NATOk Afganistango ekialdean hegazkinez egindako bonbardaketan bi ume hil dira, 10 eta 15 urteko anaiak, Abdul Marjan Txauki probintziako buruaren eta Shahzada Shahid legebiltzarkidearen arabera. Kunar probintzian gertatu da ezbeharra. Ur kanaletan lanean ari ziren anaiak hegazkinek bonbardatu zituztenean. «Seguruenik matxinatuekin nahastuko zituzten, bizkarrean palak zituzten eta», azaldu du Marjanek.