AEBk gidatutako NATOren bonbardaketa baten ondorioz zibil ugari eta ustezko talibanak hil dira bart gauean Afganistango hegoaldean, Helmand eskualdean. Bonbardaketaren erruz hil diren pertsonen kopurua zehaztu gabe dago oraindik. Reuters agentziak 30 zibil hil direla jakinarazi du. EFE agentziak ordea, Afganistango Gobernuaren iturriei jarraiki, 120 pertsona hil direla esan du.
Geerishk-eko barrutian bart gauean jazo zen bonbardakeeta. Ekintzaile talde bat AEBtako eta Afganistango indarrei oldartu zitzaien eta Haidarabad herrira egin zuen ihes. Ustezko talibanak herritarren artean ezkutatu ziren, eta NATOk bonbardatu egin zuen herria Gerishk barrutiko gobernatzaile Dur Alishah-ek adierazi duenez. Hildakoen artean emakumeak eta haurrak daudela zehaztu du Alishah-ek.
Mundua
NATOren bonbardaketak pertsona ugari hil ditu Afganistanen
NATOren aire erasoak Helmand eskualdean zibil ugari eta ustezko talibanak hil ditu. Heriotza kopurua zehaztu gabe dago oraindik. Reuters agentziak 30 zibil hil direla jakinarazi du. EFE agentziak 120 pertsona hil direla esan du, Afganistango Gobernuaren iturriei jarraiki.
Iruzkinak
Ez dago iruzkinik
Ordenatu
