Ban Ki-moon Nazio Batuen Erakundeko (NBE) idazkari nagusiak Nigerrera bidalitako ordezkaria desagertu egin da han: Robert Fowler kanadiarra. Tuareg talde batek jakinarazi du bahitu egin duela.
Nigerko Gobernuak esan duenez, Niamei hiriburutik 40 kilometrora galdu dute Fowlerren arrastoa, hiritik mendebaldera, Karma herrian. Haren autoa topatu zuten atzo herri horretan.
Kanadako Gobernuak berretsi egin du desagertu egin dela NBEko ordezkari hura, eta harekin batera beste kanadiar bat ere desagertu dela esan du. Diplomazialari bat da beste desagertutakoa.
Ostegunean heldu zen Fowler Niameira. Niger Errepublikaren 50. urtemugako ospakizunetara joan zela agertu du bertako Gobernuak. Larunbatean Samirara abiatu zen.
MunDUA
Nazio Batuen Erakundeko idazkari nagusiaren ordezkari bat bahitu dute Nigerren
Robert Fowler kanadiarra da desagertu dena, Niamei hiriburu inguruan. Tuareg talde batek aldarrikatu du bahiketa.
Iruzkinak
Ez dago iruzkinik
Ordenatu
