NAZIO KONTZEPTUA EUROPAN. 46 estatu, 315 kideko biltzar parlamentarioa

Europako Batasuna baino erakunde zabalagoa da Europako Kontseilua: 10 estatu kiderekin hasi zen 1949an, eta 46 kide ditu orain. Europako estatuen arteko lankidetza sustatzea du helburu. Bi erakunde nagusi ditu: ministroen batzordea (atzerri ministroek osatua) eta biltzar parlamentarioa (estatu kideetako legebiltzarkideek osatua). 315 kide ditu biltzarrak, horietarik hiru euskal herritarrak: Ramon Jauregi eta Elvira Kortajarena sozialistak eta Iñaki Txueka jeltzalea, hiruak Espainiako Gorteen izenean. Biltzar parlamentarioaren ebazpenek ez dira lege, gomendio baizik, estatu kide guztiek bere egin beharko lituzketen irizpide.