NBEaren MEP Munduko Elikadura Programak lortu du Somaliara elikagaiak iristarazteko aireko larrialdi zubia zabaltzea. Nairobitik Mogadisciora eraman behar dituzte jakiak; MEPeko bozeramaile Challiss McDonoughek baieztatu duenez, "hegazkina aireratu da". Hegazkinean haurren elikadura txarrari aurre egiteko larrialdiko 10 tona hornigai daramatzate.
Atzo irten behar zuen laguntza zeraman hegazkinak, baina burokrazia arazoen ondorioz ezin izan zuen aireratu. NBEak orain dela astebete egin zuen ofizial Somaliako bi eskualdek bizi duten gosete egoera. Nazioarteko laguntza iristeko arazoak hasieratik izan dira. Al Shabab milizia islamistak, Somaliaren hegoaldea kontrolpean duenak, atzerriko laguntza eramateko debekua ezarri zuen.
