NBEk dio nazioarteko legedia urratzen duela Gazako blokeoak

NBEko zenbait adituk kritikatu egin dute Palmer txostena, iazko maiatzaren 31n Israelgo armadak nazioarteko uretan Askatasunaren Flotillari egindako erasoari buruz NBEk berak eginiko lana. Izan ere, txosten horretan Gazako blokeoa ez zuten legez kanpokotzat jo.

Palmer txostenean Israelek «gehiegizko indarra» erabili zuela ebatzi zuten —bederatzi lagun hil zituen eraso hartan—, baina blokeoa «zilegizko segurtasun neurria» zela zioten. «Setioak oinarrizko eskubideak urratzen dizkie 1,6 milioi palestinarrei», adierazi dute orain NBEko hainbat adituk. Era berean, Israelgo Gobernuaren politikek Gazako biztanleen giza eskubideetan «neurri gabeko ondorioak» dituztela diote.