Michelle Bachelet NBE Nazio Batuen Erakundeko Emakumeen Batzordeko zuzendariak salatu eta gaitzetsi egin ditu Afganistanen emakumeen kontra egindako «muturreko indarkeriazko» azken kasuak. Kabuli eskatu dio «berehala» erantzuteko: «basakeria onartezin hori» geldiarazteko eta krimenen egileak Justiziaren aurrera eramateko.
Polizia batek torturatu eta bortxatutako Lal Bibi gazte afganiarraren kasua ekarri du gogora Bacheletek, baita adulterioa leporatuta harrika hil zuten Najibarena ere. «Zigorgabetasunaren kultura» amaitzeko eskatu dio Kabuli. «Ezinbestekoa da azken hamarkadan emakumeek eman dituzten aurrerapausoetan sakontzea», Bacheleten arabera. Uste du egoera gaiztotu egin daitekeela emakumeentzat nazioarteko tropek herrialdea lagatakoan.
NBEk emakumeen kontrako «muturreko indarkeriazko» azken kasuak salatu ditu
Iruzkinak
Ez dago iruzkinik
Ordenatu
