Siriako egoera aztertzen duen NBEren Giza Eskubideen Kontseiluak zabaldu du frogak dituela Siriako Gobernuko hainbat agintari eta goi kargu "gizateriaren aurkako krimenen erantzule direla", baita "beste hainbat urraketa larrien erantzule" ere.
Kontseiluak bere bigarren txostena aurkeztu du, eta ustezko erasotzaileen zerrenda bat helarazi dio NBEko giza eskubideen goi mandatariari. Armadako hainbat kide, hainbat segurtasun agentzia eta Siriako Armada Askea erakundeko hainbat kide daude zerrenda horretan.
