Ban Ki-moon NBEko idazkari nagusiak gaur goizean Sudani eta Hego Sudani bi herrialdeen arteko istiluekin amaitzeko eskatu die, eta bi gobernuei dei egin die segurtasun arloan hitzartutakoa bete dezaten.
Ban Ki-moon "kezkatuta" agertu da Sudan eta Hego Sudan arteko mugan izaten ari diren istiluekin, Kofi Annan Siriararako bitartekariak jakitera eman duenez.
Gainera, NBEko idazkari nagusiak uste du bi presidenteak bildu egin beharko liratekeela, "negoziazio emankorrak bermatzeko".
Pasa den astean Hego Sudanek salatu zuen Sudan bere herrialdea bonbardatzen ari zela.
