David Kaye eta Alfred de Zayas giza eskubideen alorreko bi adituk ohartarazi dutenez, "ikusten ari garen neurriak oso kezkagarriak dira, norbanakoen oinarrizko giza eskubideak urratzen dituztela dirudielako, informazio publikoaren jarioa eta eztabaida ireki baten aukera murriztuz, demokrazia espainiarra une kritikoan denean".
Erreferenduaren legezkotasuna edozein dela ere, bi adituek ohartarazi dute Espainiako Estatuak gizarte demokratikoei dagozkien oinarrizko eskubideak errespetatzera behartuta dagoela.
Espainiako Gobernuak milaka polizia eta guardia zibil Kataluniara bidali izanaren aurka agertu dira, halaber. "Kezkatuta gaude agindu horrek eta hari laguntzen dion erretorikak tentsioa eta ezinegon soziala handitzeko aukerarekin".
Hurrengo egunetan izango diren "protesta baketsuen aurrean", edozein moldeko indarkeria eragoztera eta "moderazioz" jardutera deitu dituzte "alde guztiak".
Kaye NBEren berriemaile berezia da iritzi eta adierazpen askatasunaren sustapen eta babeserako, eta Giza Eskubideen Kontseiluaren Prozedura Bereziko organoko kide da. Prozedura Bereziak NBEren Giza Eskubideen alorreko aditu erakunderik garrantzitsuena da, eta giza eskubideekin lotutako gertakariak ikertzen ditu.
De Zayas, berriz, nazioarteko orden demokratikoaren sustapenerako aditu independentea da. Adituak bi aldiz proposatu dio NBEko idazkaritza nagusiari Kataluniako erreferenduma nazioarteko elkarteak antolatzea. Apirilean egin zuen lehenengoz, eta berriki bigarrenez, ACN albiste agentzia kataluniarrak jakitera eman duenez. De Zayas Kataluniako autodeterminazio eskubidearen alde agertu da azken egunotan, sare sozialen bidez zabaldu dituen mezuetan.
Self-determination is an expression of human dignity. Who can deny this right to the Kurds, the Tamils, the #Catalans?
— Alfred de Zayas (@Alfreddezayas) 2017(e)ko irailak 25
Media statement: Violation of the right of self-determination of the Catalan People https://t.co/PmX76witXtpic.twitter.com/xzufDfWges
— Alfred de Zayas (@Alfreddezayas) 2017(e)ko irailak 23
Kurdistan and Catalonia: Direct democracy by way of referendum is best guarantee of a… https://t.co/K4Qi4k41uwpic.twitter.com/65ZqYvPGVl
— Alfred de Zayas (@Alfreddezayas) 2017(e)ko irailak 23
Nazioartean kezka ahots gehiago
Esloveniako presidente ohi Milan Kucanek eten dezala "indararen erabilera eta esku hartze militarraren mehatxua". Kucanek elkarrizketa eta "autodeterminazioaren ariketa" galdegin ditu Kataluniako egoera politikoari irtenbidea emateko.
Yanis Varufakis Graziako Finantza imnistro ohiak ere gaitzetsi egin du Madrilen jarrera, Catalunya en Comu alderdiaren gaurko ekitaldian proiektatu duten bideoan. Varufakisek Rajoyren gobernuaren "indarkeria" eta "mehatxuak" salatu ditu, eta PP "iragan frankista" borrokatzera deitu du.
Owen Jones idazle eta Erresuma Batuko Alderdi Laboristaren aholkulariak ere arbuiatu egin du Espainiako Estatuaren jokabidea, eta babes mezua bidali die Katalunian bozkatu nahi duten herritarrei.
Des d'arreu, diem a la gent de Catalunya: no esteu sols. En defensa de la democràcia, #mobilitzemnos! Tota la solidaritat, @CatEnComu ✊ pic.twitter.com/JVA31gh3Ua
— Owen Jones🌹 (@OwenJones84) 2017(e)ko irailak 28
Kataluniako auzia nazioarteko harreman diplomatikoetan gai aipatua dela onartu du Jose Ignacio Wert Espainiako Hezkuntza ministro ohi eta egun estatuak Ekonomia Lankideta eta Garapenerako Erakundean duen ordezkariak. La Vanguardia egunkariak argitaratu duenez, Wertek e-mail batean aitortu du beste herrialde batzuetako ordezkaritzak Katalunian gertatzen ari denari buruzko informazioa eta iritziak biltzen ari direla.
