Libanoko Nazio Batuen Erakundeko (NBE) bozeramaile batek adierazi du, soldadu israeldarrak Israelgo lurretan ari zirela lanean, militar libanoarrekin tiroketa hasi zenean. Naresh Bhatt teniente koronelak egin du hitz, esanez, soldadu israeldarrak inausten ari ziren arbolak marra urdina baino hegoalderago zeudela. Hortik ondorioztatu du israeldarrak bere lurretan ari zirela lanean. Libano eta Israelen arteko mugan gertaturiko borroketan bost lagun hil ziren, hiru soldadu libanoar, Libanoko kazetari bat eta Israelgo armadako teniente koronel bat.
Libanoko mugako arbolak inausteari ekin dio gaur goizean Israelek
Mugako arbolak inausteari ekin diote gaur goizean berriro Israelgo armadako soldaduek. Efe albiste agentziako berriemaileak azaldu duenez, NBE Nazio Batuen Erakundeak ezarritako marra urdinaren Israelgo aldetik ari ziren arboletako adarrak mozten, garabi batekin, baina lan horretan ari zen soldadu israeldarra Libanoko aldera zegoen makurtuta.
Mundua
NBEren ustez, bere lurretan ari ziren israeldarrak lanean Libanorekin borrokak hasi zirenean
Atzoko tiroketan, bost lagun hil ziren, lau libanoar eta israeldar bat.
Iruzkinak
Ez dago iruzkinik
Ordenatu
