Joana Ortega Kataluniako Gobernuko presidenteordeak, Ramon Espadaler Barne kontseilariak eta Josep Maria Pelegri Nekazaritza kontseilariak Kataluniako Gobernua utzi ostean, hiruren ordezkoen izen-abizenak jakinarazi ditu Kataluniako Gobernuak.
Neus Munte gobernuko presidenteorde, bozeramaile eta ongizate kontseilari izango da; Meritxell Borras Gobernazio kontseilari, Jordi Jane Barne kontseilari, eta Jordi Ciuraneta Nekazari kontseilari. Artur Mas gobernuko presidenteak goizean sinatu ditu horiek izendatzeko dekretuak.
Kataluniako prozesu subiranistarekiko jarrera finkatzeko erreferenduma egin zuen igandean UDCk. Josep Antoni Duran i Lleidak zuzendutako sektorearen alde egin dute militanteen %50ek, eta independentziaren alde argien lerratutakoenaren alde %46k. Horrek barne zatiketa utzi zuen agerian UDC Unio Democratica de Catalunyan, eta gobernutik irtetea onartu zuen alderdiak.
