Nevadako primarioak irabazita, Donald Trumpek hirugarren garaipena eskuratu du Alderdi Errepublikanoaren presidentetzarako hautagaitza eskuratzeko lehian. Trumpentzat izan dira botoen %45,3, eta zerrendan bigarrena, Marco Rubio, botoen %24,3rekin geratu da.
Hirugarren garaipenak —Hego Carolinan eta New Hamshiren irabazi du aurretik— sendotu egin du enpresariaren hautagaitza astearte handira begira (martxoaren 1a). Egun horretan, hamasei estatutan egingo dituzte primarioak.
