Roseburg hirian izan da tiroketa, Portland Oregongo hiriburutik 290 kilometro ingurura, Umqua institutuan. 3.000 lagun inguruk ikasten dute bertan. Ustezko erasotzailea haren kontra izaniko tiroketan hil egin dutela baieztatu du poliziak. 26 urte zituen.
Barack Obama AEBetako presidenteak samina erakutsi eta elkartasuna adierazi die hildakoen senitartekoei. Triste eta haserre hitz egn du Obamak: "[Tiroketak] ohitura bilakatu dira, jada ez gaituzte hunkitzen". Halaber, kezka agertu du armei buruzko arautegia aldatzeko AEBetan dagoen ezintasunari buruz. "Ez du zentzurik pentsatzeak konstituzioak gutxieneko erreforma bat egitea galarazten duela". Era berean, presidenteak adierazi du "denek" dutela gertatu denarekiko "ardura kolektiboa".
