Barack Obama Ameriketako Estatu Batuetako (AEB) presidente hautatuak adierazi du 2010eko Legebiltzarreko hauteskundeak baino lehenago itxi nahi duela Guantanamo presondegia, "erantzukizunez" arituta. Han giza eskubideak nabarmen urratzen dituztela salatu izan dute hainbat erakundek. Azaroan izango dira aipatutako bozak bi urte barru.
Tortura ere bukatzeko xedea ere baduela agertu du Obamak, Time AEBetako aldizkariari emandako elkarrizketan. Urteko pertsona bezala izendatu du hura Time-k.
Alderdi demokratako buruak iragarria du Iraketik AEBetako armada aterako duela, eta Afganistanen euren posizioa "sendotu" nahi duela esan du, "ez bakarrik arlo militarrean, baita diplomazia eta ekonomia arloetan ere".
Urtarrilaren 20an hartuko du AEBetako presidente kargua Obamak -joan den azaroaren 4an irabazi zituen hauteskundeak-. George Bush errepublikanoaren lekukoa hartuko du. Zortzi urtean egon da agintean Bush.
Ameriketako Estatu Batuak
Obamak dio bi urte barru itxi nahi duela Guantanamo
Iruzkinak
Ez dago iruzkinik
Ordenatu
