Gaur goizean egin dute batzarra Bartzelonan, eta 3.000 pertsona batu dira Vall d'Hebron pabiloian. 28.183 botoetatik 28.151 jaso ditu Cuixartek. Marcel Mauri izango da aurrerantzean ere presidenteordea eta bozeramailea.
Prozesu subiranistaren harira matxinada egotzita, joan den urriaren 16tik dago espetxeratuta. Handik mezu bat bidali du, elkarrizketarako deia eginez, eta inori "uko egitea" eskatu gabe, hori "konfiantzarekin" egin behar dela nabarmenduta. Quim Torra Generalitateko presidenteak, Roger Torrent Kataluniako Parlamentuko presidenteak eta Ada Colau Bartzelonako alkateak, besteak beste, ekitaldian parte hartu dute.
