Iragan abuztuaren 22an abiatu zen epaiketa, eta aurreneko saioan erruduntzat jo zuen bere burua Al-mahdik: "Nire kontrako akusazio guztiak zehatzak eta zuzenak dira. Nire ekintzek sortutako kalteez damu naiz. Nire familiari, herrialdeari eta, oro har. nazioarteko komunitateari egindakoa sentitzen dut".
Al-mahdi Ansar al Din taldearen esanetara aritu zela ondorioztatu dute epaileek, eta horregatik eta barkamena eskatzeagatik hainbat aringarri ezarri dizkiote. Fatou Bensouda Nazioarteko Zigor Auzitegiko fiskalak historikotzat jo du saioa, aurreneko aldia baita ondare kulturalaren kontrako ekintza bat epaitzen eta zigortzen dela.
