Osasuna ez da aitzakia izango Chiracen auzian

PARIS. Jacques Chirac Frantziako presidente ohiak ukatu egin du osasun arazoak dituela eta hori bere epaiketa saihesteko arrazoitzat erabiliko duela. Martxoaren 7an da hastekoa haren aurkako epaiketa, eta hainbat ustelkeria kasu leporatzen dizkiote. Frantziako zenbait hedabidek zabaldu dute Chiracek Alzheimerren gaitza duela eta epaiketa saihesteko erabil dezakeela.