Larkinek proposatu du 1998an Ostiral Santuko Akordioak izenpetu aurretik gertatutako hilketen ikerketak bertan behera uztea, uste baitu hilketa horien egileak zigortuak izateko aukerak gero eta urriagoak direla. Proposamen horrek, ordea, kritika asko eragin ditu Belfasten, Dubrimen eta Erresuma Batuan.
"Irlanda iparraldean indarkeria politikoaren hiru hamarkadetan zehar alde guztiek egindako giza eskubideen urraketei amnistia ematea eragingo luke Larkinen eskaerak", azaldu du John Dalhuisen AIko Europa eta Asia erdialdeko zuzendariak.
Haren ustez, giza eskubideei "zaplastekoa" ematea izango litzateke Larkinek proposatutakoa, "zigorgabetasuna betikotu" egingo lukeelakoan.
Londresen kritikak
David Cameron Erresuma Batuko lehen ministroa ere Larkinen proposamenaren kontra azaldu da, eta "zuzenbide estatua" ezartzen jarraitzearen alde egin du. "Nahiko arriskutsua da pentsatzea ikerketari oztoporen bat jar dakiokeela". Enda Kenny Irlandako lehen minsitroak, berriz, uste du aurrera ateraz gero onartzea "gogorra" litzatekeela biktimentzat eta senideentzat.
