Otsailaren 18ra atzeratu dituzte Pakistango hauteskundeak

Urtarrilaren 8rako zeuden iragarrita Pakistango Legebiltzarrerako hauteskundeak, baina Benazir Bhutto PPP Pakistango Herriaren Alderdiaren buruzagi eta oposizioko buruaren hilketa dela-eta, Hauteskunde Batzordeak otsailaren 18ra atzeratu ditu. Bozak 8an egiteko baldintzak ez direla egokiak dio batzordeak. Atentatuaren osteko protestetan Sindh eskualdean hautes bulegoak-eta suntsitu dituztela esan du, kasu.

Qazi Muhammad Farooq batzordeko presidenteak jakinarazi du erabakia, Islamabad, prentsarreukoan.

Ostegunean hil zuten Bhutto. PPPk asteburuan haren semea -19 urte- eta alarguna hautatu ditu alderdiko buru. Hauteskundeetan izango direla jakinarazi dute eta "boikotik ez" dela komeni. Aldiz, Nawaz Sharif lehen ministro ohiaren Liga Musulmana alderdiak -oposiziokoa- esana du ez duela parte hartuko bozetan.