Pakistanek 215 lagun exekutatu ditu epaitzeke

NUEVA DELHI. Iragan ekainaren 10az geroztik 215 pertsona exekutatu dituzte Pakistanen, aldez aurretik epaitu gabe. Asiako Giza Eskubideen Batzordeak gobernuaren kontrol falta salatu du. Haien hitzetan, azken hilabetean bederatzi lagunen gorpuak aurkitu dituzte Balutxistanen —independentzia mugimenduek indar handia dute eremu horretan—, tortura zantzuak eta tiroak zituztela.