Pakistango Ajtarabad eskualdean gutxienez hamabi lagun hil dira autobus baten aurka zenbait mototatik egin duten erasoan. Motoak autobusari hurbildu zaizkio, eta geldiarazi ostean egin dute tiro. 22 bidaiari zihoazen autobusean, eta hamabi hildakoez gain, hainbat zauritu daude, horietako zenbait egoera oso larrian.
Bidaiariak xiitak ziren. Lekukoen arabera, autobusa geldiarazi ostean bidaiarietako zenbait kanpora atera dituzte eta tiro egin diete. Ondoren autobusari egin diote tiro. Polizia iritsi aurretik egin dute erasotzaileek ihes.
