Ekialde Hurbila
Palestinar bat hil du eta 26 zauritu ditu Israelgo Armadak misilekin egindako eraso batean
Israelgo Armadako 'Apache' helikopteroek Gaza hiriko kale bat bonbardatu dute, eta eraso horren ondorioz, palestinar bat hil da eta beste 26 zauritu dira. Auto bat izan da Israelgo Armadaren erasoaren jomuga; Hamaseko kideak zihoazen auto horretan. Hain zuzen ere, hildako laguna Hamaseko kidea da. Erakunde horretako iturriek azaldu dutenez, Mundir Mardita beren adar armatuko kidearena zen ibilgailua, baina ez dute argitu Mardita erasoan hil den.
Lekukoek azaldu dutenez, Apache helikopteroek hainbat misil jaurti dituzte Gazako Omar el-Mutjar kalean, eta izua zabaldu da kale horretan zebilaren jendearen artean. Hamaseko kideak zihoazen autoa ez ezik, beste bat ere harrapatu dute misilek.
Iruzkinak
Ez dago iruzkinik
Ordenatu
