Palestinarren lurretan eraikitako etxeak legez babestuko ditu Israelek

Israelgo Gobernuak iragarri du udal lege berria egingo duela, Zisjordaniako kolonia handienean, Ofran, kolonek eraikitako etxebizitzak legezkotzat jotzeko. Ofrango koloniako eraikinen %58 palestinarren lur pribatuetan eraikita daude. Gainera, lege berriak atzerako eragina izango du.

Okupazio politikak bere horretan jarraitu arren, nazioartean Tel Aviveko gobernuaren irudia garbitzeko keinuak ere egiten ari da Israel. «NBEn gertatzen dena gertatzen dela», PANi diru laguntza ematen segitzeko eskatu dio nazioarteari txosten baten bidez. New Yorkeko Liaison batzordeari igorriko dio txostena igandean. ABEek, hain justu, 360 milioi euroko laguntza ez ematearekin mehatxatu dio PANi.