Salam Faiad Palestinako Aginte Nazionaleko (PAN) lehen ministroaren aholkulari bat bahitu dute gaur Gazan (Palestina) armekin zeuden lagun batzuek: Omar Al-Ghoul. Senide baten hileta elizkizunera joana zen, eta orduan harrapatu dute. Atzo heldu zen Gazara.
Al Fatako kidea da Omar Al-Ghoul, Mahmud Abbas PANeko presidentearen alderdi berekoa.
Iturri batzuek Hamasi leporatu diote bahiketa, eta honek bahitu duen Al Fatako lehen politikaria dela esan dute. Dena dela, oraindik inork ez du bere gain hartu gaurko ekintza.
Gaza joan den ekainetik Hamasen esku dago. Al Fatarekin borroka latzak izan zituen orduan han.
Palestina
PANeko lehen ministroaren aholkulari bat bahitu dute Gazan gaur
Hamasei leporatu diote ekintza. Omar Al-Ghoul senide baten hileta elizkizunean ari zen parte hartzen.
Iruzkinak
Ez dago iruzkinik
Ordenatu
