Pantera espezie berria Borneon

Geneva. WWF Munduko Ingurumen Funtsak inoiz inon lehendik ikusi gabeko espezie berri bat aurkeztu zuen atzo Genevan (Suitza): Borneoko pantera lainotsua. Indonesiako uharte horretako panterak bereizgarri apartak dituela esan dute. Izan ere, Asiako hainbat tokitan ere bizi dira pantera lainotsuak, baina ezberdinak dira. «DNA ikerketek erakutsi dute bi espezieen artean 40 ezberdintasun inguru daudela», azaldu zuen atzo WWF erakundeko Stephen O'Brien ikertzaileak. Borneon ez dakite zehatz zenbat pantera lainotsu dauden; 8.000-18.000 artean daudela uste dute.