Pazko uhartean «ordena» bermatuko du Txilek

SANTIAGO. Azken urte erdian istiluak egon dira Ozeano Bareko Pazko uhartean, hango biztanleen eta Txileko agintarien artean. Bertako herri indigenak lur batzuk utzi zizkion estatuari, baina horiek ekimen pribatuen esku utziko zituen beldur, okupazioei ekin zieten bertakoek. Joan den ortziralean, baina, karabineroek eraikin bat hustu, eta 23 lagun zauritu eta sei atxilotu zituzten. Sebastian Piñera Txileko presidenteak adierazi du elkarrizketa baztertzen ez duen arren «ordena publikoa» bermatuko duela.