Perun 5 lagun hil dituzte meatzarien protestetan

LIMA. Gobernuak urrea eta kobrea erauzteko Conga egitasmoa onartu izanak, protestak eragin ditu Peruko Cajamarcako eskualdean. Asteartean hiru lagun hil eta hogeitik gora zauritu ziren Poliziarekin izandako istiluetan. Asteazkenean, Bambamarca hirian hil zuten laugarren bat eta azken hildakoa, asteartetik koma egoeran zegoen 29 urteko gaztea izan da.