Turkiako auzitegi batek, Kurdistango Langileen Alderdiarekin (PKK) zerikusia dutelakoan, 31 lagun kartzelara bidali ditu —tartean, parlamentari ohi bat: Fatma Kurtulan—. 2009an hasi zuen ikerketa, eta, haren arabera, PKK-k Kurdistango Komunitateen Batasuna (KCK) alderdia sortu zuen, erakunde politiko propioa izan zezan.
Ostiralean burutu zuten polizia operazioa, eta 38 lagun atzeman zituzten. Besteak beste, Bakea eta Demokrazia Alderdiaren (BDP) egoitzetan sartu ziren poliziak. Fiskalek 35 kide espetxeratzeko eskatu zuten, eta epaileak 31 bidali ditu kartzelara.
BDPk 29 parlamentari ditu Turkian.
