PLQ federalistak irabazi ditu bozak, eta ADQ autonomistak aurrea hartu dio PQ independentistari

Ohiko bipolarizazioa gainditu, eta ADQ Quebeceko Ekintza Demokratikoa alderdia giltzarri bihurtu da Quebecen, igandeko hauteskundeen ondoren. Egitasmo horrek "autonomistatzat" du bere burua, eta joera kontserbadorekoa da. Nolanahi ere, 5 diputatu lortu zituen aurreko hauteskundeetan, eta emaitza errealen gainean egindako proiekzioen arabera, 41 izango ditu oraingoan. Ondorioz, PQ independentistari bigarren lekua kenduko lioke, eta hirugarren indar bihurtuko litzateke 38 diputaturekin (46 izan zituen aurreko legegintzaldian).

Azken batean, PLQ federalista kontserbadoreak irabaziko lituzke berriro hauteskundeak, baina ordezkari galera handia izango luke: 74 diputatutatik 46ra igaroko litzateke.

PQ independentistak hauteskunde horiek irabaziz gero berriro ere autodeterminazio galdeketa antolatzeko asmoa zuen, baina arestian aipatu bezala, emaitza txarrak izan ditu.