Eliseoko Zelaietan izan da talka, arratsaldeko laurak laurden gutxi aldera: gizon batek gidatzen zuen auto batek poliziaren furgoneta bat jo du, poliziaren arabera, nahita. Talkaren ondotik, leherketa bat izan da eta autoak su hartu du.
Frantziako Barne ministroa Gerard Collomben arabera, gizonezkoa hil da. Beste hildako edo zauriturik ez da izan. Atentatu saiakera izan dela zehaztu du.
Poliziak zabaldu du gizonezkoak bi gas bonbona eta Kalashnikov bat zeramatzala auto barruan. Poliziak fitxatuta zeukala ere esan dute.
