Atzo egin zituzten presidentetzarako hauteskundeak Ukrainan, eta lehen emaitzak eskuan, bere burua presidente aldarrikatu zuen Petro Poroxenkok.
Hauteskunderik ez zuten egin atzo, ordea, Ukraina ekialdean. Denis Puxilin Donetskeko Herri Errepublikako ordezkaria prest agertu da Poroxenkorekin mintzatzeko, baina hainbat baldintza ezarri ditu horretarako. Errusiak bitartekari lanak egitea, "gerra presoak trukatzea" eta Kieveko "okupazio indarrak" joatea dira baldintza horiek.
Europako Batasunak txalotu egin ditu Ukrainako bozak, eta "neurri zehatzak" hartzeko eskatu du ekialdeko errepubliketan eta Errusiarekiko harremanetan tentsioa baretzeko.
