Mamnun Hussein, 73 urteko ehungintzako enpresaria aukeratu dute Pakistango presidente, Asif Ali Zardariren ordez. PML-N alderdian egungo lehen ministro Nawaz Sharifen itzalean ibilia, politikan ez da orain arte nabarmendu, baina Sharifekiko leialtasunak eman zion Presidentetzarako hautagai bihurtzeko aukera.
Pakistango Parlamentuko eta lau eskualde batzarretako bozketak gora-beheratsuak izan dira, PPP alderdiak boikota egin diolako bozketari, presidentea aukeratzeko eguna aurreratu egin zutelako PML-Nren presioengatik. Botoa emateko eskubidea 674 diputatuk zuten, eta PML-Nren hautagaiak 426 ingururen babesa ziurtatua zeukan.
