Kopenhageko zientzia politikoetarako unibertsitateko webgunearen arabera, eguerdiko 14:00ean hitzaldia ematekoa da Carles Puigdemont Junts per Catalunyako hautagaia. Ordea, Generalitateko buru izandakoa Belgikatik irteten bada hura atxilotzeko agindu dezake Espainiako Auzitegi Goreneko epaile Pablo Llarenak, estatuko fiskal nagusiak hala eskatuta.
Ohar baten bidez jakinarazi du fiskaltzak poliziak Puigdemonten mugimenduak berretsi zain dagoela, hura atxilotzeko agindua eskatu ahal izateko. Fiskaltzak asteburu berean Katalkuniako auziarekin lotuta plazaratzen duen bigarren oharra da honakoa. Larunbatean, oso antzeko testua plazaratu zuen ohartaraziz parlamentari immunitateak ez diola Puigdemonti atxilotua izatetik salbuesten.
Llarena epaileak joan den abendu hasieran agindu zuen bertan behera uzteko Belgikara joandako Generalitateko buruaren eta lau kontseilarien aurkako euroaginduak, baina ohartarazi zien atxilotu egingo dituztela Espainiako muga zeharkatzen badute.
